नेपालसँग छिट्टै इन्धन सम्झौता हुन्छः चिनियाँ राजदूत

   – चिनियाँ राजदूत ऊ चुन्ताईले चीनबाट पेट्रोलियम पदार्र्थ आपूर्तिका लागि नेपालसँग चाँडै सम्झौता हुन लागेको जानकारी दिएका छन् ।
सभामुख ओनसरी घर्तीसँग सोमबार भएको भेटमा चुन्ताईले त्यस्तो जानकारी गराएका हुन् ।
चीनले नेपाललाई १३ लाख लिटर पेट्रोल अनुदानस्वरुप उपलब्ध गराईसकेको छ । चीनसँग पेट्रोलियम पदार्थ र एलपी ग्यास आयातका लागि सम्झौता गर्न दुई सदस्यीय टोली बेइजिङ गएको छ । चीनका लागि नेपाली राजदूत महशे मास्के पनि भारतीय नाकाबन्दीका कारण नेपालमा भएको इन्धन अभावलाई पूर्ति गर्न चीनसँग हुन लागेको सम्झौताबारे छलफल जारी राखेका छन् ।
– अन्नपूर्ण पोस्टबाट