सरकारलाई अन्तिम चेतावनीका लागि रौतहटमा विशाल मसाल जुलुस प्रदर्शन
रौतहट–मधेश आन्दोलनलाई निर्णायक बनाउन र सरकारलाई अन्तिम चेतावनीका लागि रौतहटको सदरमुकाम गौरमा साँझ सोमवार विशाल मसाल जुलुस प्रर्दशन गरिएको छ ।
संघीय समावेशी मधेशी गठबन्धन रौतहटका सदस्य एवम् राष्ट्रिय मधेश समाजवादी पार्टीका जिल्ला अध्यक्ष राम प्रवेश दासको नेतृत्वमा सयौंको संख्यामा स्थानीय मधेशी क्रान्ति चौकबाट निस्केको विशाल मसाल जुलुस नगरपरिक्रमा गर्दै नेपाल भारत सिमानामा रहेको क्रान्तिद्धारमा गई कोणसभामा परिणत भएको हो ।
विभिन्न समयमा नेपाल सरकारले मधेशदलहरुसँग गरेको सम्झौता लागु गर, मधेश आन्दोलनमा मारिएकाहरुलाई शहिद घोषणा गर, मधेशको माग शिघ्र पुरा गर, गृहमन्त्री मुर्दावाद जस्ता नारा लगाउँदै निस्केको सो विशाल मसाल जुलुसमा संघीय समावेशी मधेशी गठबन्धन रौतहटका सदस्य तराई मधेश राष्ट्रिय अभियानका ललित मल्लिक सानु, रविन्द्रनाथ गोपाली, नेपाल सद्भावना पार्टीका केन्द्रीय सदस्य रणधिर सिंह, शम्भु गिरी, मधेशी जनअधिकार फोरम गणतान्त्रिकका शेख जिकरुलाह, रामाधार राय यादवलगायतका सयौं नेता तथा कार्यकर्ताहरुको सहभागिता रहेका थियो ।
कोणसभालाई सम्बोधन गर्दै गठबन्धनका सदस्य एवम् राष्ट्रिय मधेश समाजवादी पार्टीका अध्यक्ष राम प्रवेश दासले सरकारलाई जुनसुकै हालतमा पनि मधेश र मधेशीको माग पुरा गराउन बाध्य पारिने र सो को लागि आफुहरु जस्तोसुकै बलिदान दिन तयार रहेको बताए । त्यसैगरी स्थानीय गरुडा, शिवनगर, कटहरीया लगायतका बजारहरुमा साँझ बर्तमान सरकारको बिरोध तथा मोर्चाको आमहड्तालप्रति ऐक्यबद्धता जनाउदै मशाल जुलुश प्रदर्शन गरिएको छ
#ratopati
No comments:
Post a Comment