बस दुर्घटनामा ३० जना भन्दा बढिकाे मृत्यु... (तस्वीरसहित)

रसुवा बस दुर्घटनामा मृतकको संख्या ३० पुग्यो

रसुवा, कात्तिक १७–

काठमाडौँबाट रसुवाको चिलिमेतर्फ आउँदै गरेको ना३ख ५७०६ नंको बस आज अपराह्न १ बजे दुर्घटना हुँदा ३०  जना भन्यादा बढि यात्रुको मृत्यु भएको छ ।

प्रमुख जिल्ला अधिकारी शिवराम गेलालले घटनास्थलमै २९ जनाको शब भेटेको जानकारी दिँदै थप एक जनाको उपचारको लागि धुन्चे लैजाँदै गर्दा बाटोमा मृत्यु भएको जानकारी दिए ।
हाल घटनास्थलमै रहेका उनले भने, ‘२९ जनाको शब हामीले जम्मा गरेका छौं , अर्का एकको उपचारका लागि धुन्चेमा लगिँदै गर्दा मुत्यु भएको छ ।’ उनले मृतकहरुको सनाखत हुन बाँकी रहेको र मृतकहरुमा एक बच्चा, १२ महिला र १७ पुरुष रहेको जानकारी दिए ।

दुर्घटनामा तीस जनाभन्दा बढी घाइते भएका छन् । पासाङल्हामु सडकखण्डको राम्चे गाविस–३ ग्राङस्थित सडकबाट बस करिब ५०० मि तल खसेको प्रहरीले जनाएको छ । बसभित्र र छतमा गरी करिब एक सयभन्दा बढी यात्रु सवार थिए ।

घटनास्थल सदरमुकाम धुन्चेदेखि १२ किमी दक्षिण टाढा पर्छ । घाइते २० जनाभन्दा बढीलाई उपचारका लागि काठमाडौँ र जिल्ला अस्पताल धुन्चे लगिएको छ  ।
बसको छतबाट हाम फालेर ज्यान जोगाएका शिव आचार्यका अनुसार अघिल्तिरको टायर पड्केपछि बस भिरमा खसेको थियो । अहिले पनि घटनास्थलमा नेपाली सेना नारायण दल गण, नेपाल प्रहरी र सशस्त्र प्रहरी उद्धारमा खटिएका छन् ।